Պաղեստինի նախագահ Մահմուդ Աբասը հորդորել է Իսրայելին վերադառնալ բանակցությունների սեղանի շուրջ։ Նա ասել է, որ Իսրայելի վարչապետ Յայիր Լապիդի՝ երկու պետությունների սկզբունքի հիման վրա խնդրի լուծման կոչը «դրական զարգացում» է, սակայն նշել է, որ բանակցություններին վերադառնալը դրա ապացույցը կլինի, հաղորդում է Reuters-ը:
«Այս դիրքորոշման լրջության իրական փորձությունը Իսրայելի կառավարության անհապաղ վերադարձն է բանակցությունների սեղանի շուրջ»,-ասել է նա ՄԱԿ-ի ԳԱ-ում իր ելույթում։