Լիբանանում բանկերը երկուշաբթի կվերսկսեն իրենց աշխատանքն այն բանից հետո, երբ մի շարք հարձակումներից եւ ձերբակալություններից հետո հնգօրյա դադարի մեջ էին, հայտնում է Reuters լրատվական գործակալությունը՝ հղում տալով բանկային ասոցիացիային:
Ասոցիացիայի տարածած հայտարարության մեջ ասվում է, որ վերաբացման որոշումը «ընդունվել է անվտանգության ներկայիս դժվար պայմանները եւ ինչպես հաճախորդների, այնպես էլ աշխատակիցների անվտանգությունը պահպանելու անհրաժեշտությունը հաշվի առնելով՝ կառավարության համապատասխան պաշտպանության բացակայության պայմաններում»:
Նա հավելել է, որ առեւտրային եւ կրթական հաստատությունների, առողջապահության ոլորտի եւ այլ կազմակերպությունների հետ բանկային գործարքների իրենց ուղիները կորոշի յուրաքանչյուր բանկ:
Նշենք, որ կառավարությունը համաձայնության չի եկել ֆինանսական առողջացման ծրագրի կամ բարեփոխումների շուրջ, որոնք կենսական են համարվում ճգնաժամից Լիբանանի դուրս գալու համար: Մինչ կառավարությունը բարձրաձայնում է բարեփոխումների իր հանձնառության մասին, Արժույթի միջազգային հիմնադրամն ասում է, որ առաջընթացը շատ դանդաղ է մնում:
Հիշեցնենք, որ անցյալ շաբաթ մի քանի բանկերում հաճախորդները հարձակումներ էին իրականացնել՝ սեփական հաշիվներից գումար հանելու նպատակով: