Գերմանիայի պահպանողականների առաջնորդ Ֆրիդրիխ Մերցն ուկրաինացի փախստականներին մեղադրել է «բարեգործական զբոսաշրջության» մեջ
«Այն, ինչ մենք տեսնում ենք, բարեգործական զբոսաշրջություն է դեպի Գերմանիա, այնուհետեւ՝ վերադարձ Ուկրաինա»,-Bild հեռուստաընկերությանն ասել է Մերցը։
Մերցն ասել է, որ «անարդար» է, որ պետությունը վճարի փախստականների եւ գերմանական բարեկեցություն ստացողների տների ջեռուցման համար այն ժամանակ, երբ շատ բանվոր դասակարգի գերմանացիներ չեն կարողանում իրենց թույլ տալ վճարել էլեկտրաէներգիայի համար։ «Սա անարդար է, եւ բնակչությունն իրավունք ունի դա անարդար համարել»,-հավելել է նա։