Արժույթի միջազգային հիմնադրամը խստորեն քննադատել է Մեծ Բրիտանիայի՝ հարկերի կրճատման պլանները եւ կոչ է արել Լիզ Թրասի կառավարությանը վերանայել դրանք՝ անհավասարության բորբոքումը կանխելու համար։

ԱՄՀ-ն հայտարարել է, որ ֆինանսների նախարար Կվազի Կվարթենգի մինի-բյուջեն կարող է խաթարել Անգլիայի Բանկի կողմից կյանքի արժեքի հետ կապված արտակարգ իրավիճակի պայմաններում աճող գնաճի հաղթահարմանն ուղվված ջանքերը։

Նշվում է, որ Կվարթենգի հայտարարությունը, որը նախատեսված էր նոյեմբերի 23-ին, «հնարավորություն ընձեռեց Միացյալ Թագավորության կառավարությանը դիտարկել ավելի նպատակային աջակցություն տրամադրելու եւ հարկային միջոցները վերագնահատելու միջոցները, հատկապես նրանք, որոնք օգուտ են բերում բարձր եկամուտ ունեցող անձանց»։
Կշտամբանքը հնչեցվել է ֆիննախի կողմից 45 միլիարդ ֆունտ ստեռլինգ արժողությամբ հարկերի չհիմնավորված կրճատումների կապակցությամբ աճող միջազգային արձագանքի ֆոնին:

Moody's-ը հայտարարել է, որ «Մեծ Բրիտանիայում հարկերի անկայուն կրճատումները բացասական են վարկունակության համար»: