Ուրբաթ օրը Բուրկինա Ֆասոյում զինվորականների խումբը պետական հեղաշրջում է իրականացրել՝ աշտոնանկ անելով երկրի նախագահ, փոխգնդապետ Փոլ-Անրի Սանդաոգո Դամիբային, գրում է Reuters-ը։
Գործակալության տվյալներով՝ նոր առաջնորդ է դարձել կապիտան Իբրահիմ Տրաորեն։
«Դամիբան ապացուցեց, որ չի կարողանում հաղթահարել անվտանգության վատթարացող իրավիճակը եւ զինյալների ուժեղացումը»,-ասել է զինվորներից մեկը՝ ելույթ ունենալով պետական հեռուստատեսության ուղիղ եթերում:
Զինվորականները հայտարարել են կառավարության լուծարման, ցանկացած քաղաքական գործունեության եւ սահմանադրության գործողության դադարեցման մասին։ Սահմանները փակ կմնան անորոշ ժամանակով։