Հարավային Կորեայի նախագահ Յուն Սոկ Յոլը սպառնում է ջախջախիչ պատասխան տալ Հյուսիսային Կորեային՝ միջուկային զենքի կիրառման դեպքում։ Այս մասին նա հայտարարել է հոկտեմբերի 1-ին՝ երկրի զինված ուժերի օրվա կապակցությամբ։
«Միջուկային զենքի քաղաքականություն որդեգրելով՝ Հյուսիսային Կորեան սպառնում է Կորեայի Հանրապետության գոյությանը եւ բարգավաճմանը։ Եթե Հյուսիսային Կորեան փորձի միջուկային զենք կիրառել, ապա նա կբախվի մեր զինվորականների եւ հարավկորեական-ամերիկյան դաշինքի ջախջախիչ պատասխանին»,-ասել է նա։