Ամերիկացի հնագետներն ավարտել են ծովային դինոզավրի կմախքի ուսումնասիրությունը, որը կոկորդիլոսի դունչ եւ օձի վիզ է ունեցել: Այն նշվել է որպես առանձին տեսակ՝ Serpentissuchops pfisterae, որը բառացի նշանակում է «օձ-կոկորդիլոսի դեմքով արարած»։

Այս դինոզավրի մնացորդները հայտնաբերվել են Վայոմինգում դեռեւս 1995 թվականին, բայց մինչեւ վերջերս դրանց պատշաճ ուշադրություն չէին դարձրել։ Բրածոների մանրակրկիտ վերլուծությամբ գիտական աշխատանքը միայն հիմա է հայտնվել:

Պարզվել է, որ ծովային արարածի երկարությունը հասել է մոտ յոթ մետրի։ Այն ունեցել է երկար կոնաձեւ ատամներ, որոնք թույլ են տվել նրան հափշտակել եւ ուտել փոքրիկ զոհին: Երբ դինոզավրը շարժվել է ջրում, նա «օրորվել է»՝ պարանոցը հետ ու առաջ պտտելով:

Ոսկրերի նմուշները վերագրել են մեզոզոյան դարաշրջանին: Դրանք լավ են պահպանվել, բացակայել են կմախքի միայն այն մասերը, որոնք վերաբերում են ոտքերին եւ ոտնաթաթերին։ Գիտնականները ենթադրում են, որ դրանք իրենց ձեւով թիակներ են հիշեցրել։