Իտալիայի էներգետիկայի նախարար Ռոբերտ Չինգոլանին հայտնել է, որ երկիրը կկարողանա հաղթահարել ձմեռը գազի պահեստավորման եւ գազի հոսքի առկա տեմպերով` բացառելով «աղետալի իրադարձությունները», հաղորդում է Reuters լրատվական գործակալությունը:
Չինգոլանին հավելել է, որ Հռոմը այլ ռեսուրսներ է հատկացրել՝ ապահովելու 92-ից 93 տոկոս պահեստավորման տոկոսադրույք՝ ձմեռային սեզոնի գագաթնակետին ճկուն լինելու համար։
Էներգետիկ խումբը՝ Իտալիայի ռուսական գազի խոշորագույն ներկրողը, շաբաթ օրը հայտարարել է, որ չի ստանա այս հանգստյան օրերին առաքման համար պատվիրված գազը եւ ակնկալում է, որ այս իրավիճակը կձգվի մինչեւ երկուշաբթի:
Անջատումները մեծացրել են լարվածությունը՝ կապված անցյալ շաբաթ «Հյուսիսային հոսք» գազատարում հայտնաբերված արտահոսքի հետ:
Հիշեցնենք, որ սեպտեմբերի 26-ի գիշերը «Հյուսիսային հոսք 2» խողովակաշարի գծերից մեկում արտահոսք է սկսվել։ Դա տեղի է ունեցել Դանիայի բացառիկ տնտեսական գոտում Բորնհոլմ կղզուց հարավ-արեւելք։ Գազի արտահոսք է գրանցվել նաեւ Բորնհոլմից հյուսիս-արեւելք գտնվող «Հյուսիսային հոսք 1»-ի երկու գծերից: