Ըստ Սահմանադրության իշխանությունը ոչ իշխանությանն է պատկանում, ոչ ընդդիմությանը, որ մեկն առաջարկի, մյուսն էլ ընդունի: Այս մասին այսօր՝ ԱԺ-ում լրագրողների հետ ճեպազրույցի ընթացքում ասաց իշխող խմբակցության պատգամավոր Արման Եղոյանը՝ անդրադառնալով ընդդիմության առաջարկած մասնակի իշխանափոխության գաղափարին:
«Դա իրենց առաջարկը չպետք է լինի, պետք է լինի քաղաքական պահանջ, լայն զանգվածների կողմից, որ դա դառնա օրակարգային: Ոչ թե մի խմբակցություն գա ասի՝ սա եմ պահանջում:
Այս պահին ես շատ կուզեի, որ մեր հանրության լայն շերտերը կենտրոնացած լինեին մեր պետականության առաջ ծառացած մարտահրավերներին դիմակայելու վրա: Դուք հիմա պատերացնո՞ւմ եք՝ մեր առջեւ ինչ մարտահրավերներ են ծառացած: Դրանք լուծելու ուղիների մասին դուք հարցեր տալի՞ս եք քաղաքական գործիչներին»,-ասաց նա: