Ղազախստանի նախագահ Կասիմ-Ժոմարտ Տոկաեւը Նախագահի թեկնածուի աջակցության ժողովրդական կոալիցիայի ֆորումի ժամանակ ասել է, որ համաձայն է դառնալ Ղազախստանի նախագահի թեկնածու Ժողովրդական կոալիցիայից, հաղորդում է TengriNews-ը։
Ղազախստանի ներկայիս նախագահը հայտարարել է, որ նոյեմբերի 20-ին երկրում արտահերթ նախագահական ընտրություններ տեղի կունենան։
«Ինձ համար մեծ պատիվ եւ պատասխանատվություն է մասնակցել նախագահական ընտրություններին որպես ձեր բոլորի կողմից առաջադրված միասնական թեկնածու։
Շնորհակալություն բոլորիդ վստահության համար։ Շատ կարեւոր է, որպեսզի կոալիցիայում առաջատար քաղաքական կուսակցություններ, հասարակական կազմակերպություններ եւ շարժումներ ներառվեն»,- ասել է Տոկաեւը։
Նա հավելեց, որ այդպես կոալիցիան ընդգրկում է սոցիալական բոլոր շերտերը։
Նախագահի խոսքով՝ Ղազախստանում ընտրությունները կանցկացվեն բաց։ Առաջիկայում նա պատրաստ կլինի ներկայացնելու իր նախընտրական հարթակը։