Կառավարող «Քաղաքացիական պայմանագիր» խմբակցությունն առաջադրել է Վահագն Հովակիմյանի թեկնածությունը Կենտրոնական ընտրական հանձնաժողովի նախագահի պաշտոնում։ Այս մասին Ազգային ժողովում, պետաիրավական հարցերի խորհրդարանական մշտական հանձնաժողովի հոկտեմբերի 7-ի նիստում հայտարարել է հանձնաժողովի նախագահ, կառավարող խմբակցության պատգամավոր Վլադիմիր Վարդանյանը։

Ներկայացվել եւ քննարկվել են նաեւ Կենտրոնական ընտրական հանձնաժողովի անդամների թափուր տեղերին հավակնողների թեկնածությունները։ Ներկայացվել է 12 թեկնածու։

Խորհրդարանական հանձնաժողովի անդամները ներկայացրել են յուրաքանչյուր թեկնածուի կենսագրությունը։

Սահմանադրության համաձայն՝ ԿԸՀ-ի ղեկավարն իրավունք չունի լինել որեւէ կուսակցությունում։ Ելնելով սրանից՝ Հովակիմյանը կառավարող կուսակցության վարչության նախագահ Սուրեն Պապիկյանին կուսակցության անդամությունն ընդհատելու դիմում է ներկայացրել։ Ներկայում նա այլլեւս կուսակցության անդամ չէ, եւ, հետեւաբար, կուսակցությունից դուրս է եկել։

Համեմատաբար կարճ քննարկումներից հետո բոլոր թեկնածությունները, ներառյալ Հովակիմյանինը, խորհրդարանական մշտական հանձնաժողովի դրական եզրակացությունն են ստացել։