«Հայկական բիզնես անկյուն» նախագծի հիմնական նպատակը ներդրումներ բերելն է դեպի Հայաստան: Այս մասին, այսօր՝ նոյեմմերի 21-ին, «Հայկական բիզնես անկյուն» նախագծի շնորհանդեսի սկզբում ունեցած իր ելույթում նշեց ԱՄՆ-ում «Էնթերփրայզ Արմենիայի» ներկայացուցիչ Միքայել Հայրապետյանը:
«Դա երկու բաղադրիչ ունի, առաջինը՝ հզորացնել մեր երկիրը, մեր բիզնեսներին, մեր ընտանիքները, ստեղծենք աշխատատեղեր, հայկականն ավելի ճիշտ ներկայացնել: Երկրորդը, մեր պետությունում օտարերկրյա կապիտալի չափը բարձր չէ, Աստված չանի, պատերազմի ժամանակ հարց է ծագում՝ ինչու այն մյուս պետության կողքին կանգնում են, իսկ մեզ չեն նկատում: Սրա պատասխանը կա. շատերը պաշտպանում են իրենց շահերը, նրանց համար իրենց արած մեկ դոլարի ներդրումը, որ արել են այդ պետության մեջ, ավելի թանկ է, քան մեր խաչքարը: Պետք է կարողանանք օտարերկրյա կապիտալի ներկայություն ապահովենք Հայաստանում: «Էնթերփրայզ Արմենիա»-ն այդ աշխատանքը բավական լավ անում է: Այո, Հայաստանում կարելի է լավ բիզնես անել»,-ասաց նա:
Նշենք, որ «Հայկական բիզնես անկյուն» նախագծի բացմանը մասնակցում են Սփյուռքի գործերի գլխավոր հանձնակատար Զարեհ Սինանյանը, ՀՀ էկոնոմիկայի նախարար Վահան Քերոբյանը, մի շարք բիզնեսների ներկայացուցիչներ և այլ հյուրեր: «Հայկական բիզնես անկյուն» նախագծի շրջանակում 20 հայ արտադրող հնարավորություն կունենա ԱՄՆ-ում մասնակցելու ABC Corner-ին: