Նորվեգիան գրեթե 14 մլն դոլար կտրամադրի Ուկրաինայի զինված ուժերի վերապատրաստման հարցով առաքելության համար, հաղորդում է «Եվրոպեյսկայա պրավդան»՝ վկայակոչելով Նորվեգիայի կառավարության հայտարարությունը։
«Ուկրաինան կախված է այլ երկրների աջակցությունից։ Նորվեգիան զգալի աջակցություն է ցուցաբերել եւ կշարունակի իր ներդրումն ունենալ՝ տրամադրելով ռազմական նյութեր»,-ասվում է հայտարարության մեջ։
Եվրամիության երկրների արտաքին գործերի նախարարները նոյեմբերի 14-ին որոշում են ընդունել Ուկրաինայի զինված ուժերի համար ուսումնական առաքելության աշխատանքը սկսելու մասին: Ուսումնական առաքելության պլանի համաձայն՝ շուրջ 15 հազար ուկրաինացի զինվորականներ ուսուցում կանցնեն Գերմանիայում, Լեհաստանում եւ Եվրամիության այլ երկրներում:
Առաջիկա ամիսներին Գերմանիայում կարող է ուսուցում անցնել մինչեւ 5 հազար ուկրաինացի զինծառայողներից բաղկացած բրիգադը։