Մեծ Բրիտանիան կարող է եռապատկել ատոմային էներգիայի արտադրությունը, գրում է Times-ը՝ հղում անելով երկրի կառավարության աղբյուրին։
Մեծ Բրիտանիայի էներգետիկայի, բիզնեսի եւ արդյունաբերության հարցերով նախարար Գրանտ Շափսը պատրաստվում է բարձրացնել Great British Nuclear (GBN) մարմնի ստեղծման հարցը, որի միջոցով ենթադրվում է եռապատկել ատոմային էներգիայի արտադրությունը։
Ծրագրվում է նման ցուցանիշների հասնել մինչեւ 2050 թվականը։
«Այս ռազմավարության նպատակը մինչեւ 2050 թվականը մինչեւ 24 ԳՎտ միջուկային գեներացիայի հզորության ավելացումն է»,-նշում է պարբերականը։
GBN-ն պատասխանատու կլինի 20-30 փոքր մոդուլային ռեակտորներից ցանցի զարգացման համար։