Կիեւի քաղաքապետ Վիտալի Կլիչկոն հայտնել է, որ Կիեւի բնակիչների 25 տոկոսն առանց էլեկտրականության է մնացել։ Այս մասին նա գրել է Telegram-ի իր ալիքում։
«Այսօր առանց էլեկետրականության է մնացել Կիեւում սպառողների եւս 25 տոկոսը։ Գործադրվում են բոլոր ջանքերը՝ էներգամատակարարումը մայրաքաղաքի բնակիչների տներ վերադարձնելու համար»,-գրել է նա՝ ժամկետներ չնշելով։
Կիեւում ստեղծված իրավիճակի հետ կապված այլ մանրամասներ դեռեւս չեն հաղորդվում:
Հոկտեմբերի 10-ից ՌԴ Զինված ուժերը հարվածներ են հասցնում Ուկրաինայի ռազմական եւ էներգետիկ օբյեկտներին։