Հայաստանի եւ Ղրղզստանի Կենտրոնական բանկերի գործընկերների հետ քննարկում ենք թվային արժույթների ներդրման հարցը։ Նոյեմբերի 30-ին տեսակամուրջի ժամանակ այս մասին հայտարարեց Եվրասիական զարգացման բանկի (ԵԱԶԲ) վարչության փոխնախագահ, ՀՀ նախկին վարչապետ Տիգրան Սարգսյանը։
Նա հայտնել է, որ գործընթացը սկսվել է, Ռուսաստանը հայտարարել է թվային ռուբլու գործարկման մասին։
«Կարծում եմ, առաջիկա տարիներին կզարգանան եւ կխորանան այնպիսի ուղղությունները, որոնք կնպաստեն թվային արժույթների գործառնությունների ոլորտի զարգացմանը», – ասաց Սարգսյանը։