Թուրքիան իրատեսական է համարում Ուկրաինայում իրավիճակը բանակցությունների միջոցով կարգավորելը, եթե դիվանագիտությանը հնարավորություն տրվի։ Այս մասին հայտարարել է Թուրքիայի արտգործնախարար Մեւլութ Չավուշօղլուն՝ ելույթ ունենալով ԵԱՀԿ երկրների դիվանագիտական գերատեսչությունների ղեկավարների հանդիպմանը, հաղորդում է ՏԱՍՍ-ը։
«Բանակցությունների միջոցով կարգավորումը հնարավոր է, եթե դիվանագիտությանը հնարավորություն տրվի։ Իհարկե, սա պետք է արդար խաղաղություն լինի Ուկրաինայի համար»,- ասել է նա։
Չավուշօղլուի կարծիքով, Թուրքիան «կշարունակի ակտիվորեն աջակցել ԵԱՀԿ-ին, քանի որ այլ նման ներառական հարթակ չկա»։ Նա նաեւ շնորհակալություն է հայտնել իր լեհ գործընկերներին, որոնք աջակցում են ԵԱՀԿ բոլոր անդամների միջեւ կոնսենսուսի հասնելու Անկարայի նախաձեռնություններին։