Հարավային Կորեայի ազգային անվտանգության նախկին ղեկավար Սու Հունը ձերբակալել են պաշտոնյայի սպանության մասին տեղեկատվությունը թաքցնելու կասկածանքով, հաղորդում է AP-ը։
Սու Հունի ձերբակալությունը տեղի է ունեցել շաբաթ առավոտյան, երբ նախագահ Յուն Սուկ Յոլի պահպանողական կառավարությունը հետաքննում է իր լիբերալ նախորդի գործողությունները՝ կապված այդ սպանության եւ այլ սահմանային միջադեպերի հետ, որոնք առաջացրել են Սեուլի քննադատությունը, որը փորձում է հանդարտեցնել Հյուսիսը՝ հարաբերությունների բարելավման համար։
Երկրի նախկին նախագահ Մուն Չժե Ինն արձագանքել է Սու Հունի գործողությունների հետաքննությանը։ Այս շաբաթ նա հանդես է եկել հայտարարությամբ, որում Յունի կառավարությանը մեղադրել է անհիմն մեղադրանքներ առաջ քաշելու եւ անվտանգության զգայուն հարցերը քաղաքականացնելու մեջ։
Սեուլի կենտրոնական շրջանային դատարանը բավարարել է Սու Հունի ձերբակալության մասին դատախազի խնդրանքը։