Միակ երկիրը, որին 100 տոկոսով ձեռնտու չէ, այսպես կոչված, «Զանգեզուրի միջանցքի» բացումը, Իրանն է։ Այս մասին դեկտեմբերի 6-ին լրագրողների հետ հանդիպմանն ասաց քաղաքական վերլուծաբան Արգիշտի Կիվիրյանը։
Նրա գնահատմամբ, Ռուսաստանին այդ ճանապարհը ձեռնտու է, եթե ԱԴԾ-ն կարողանա վերահսկել դրանով երթեւեկությունը, հակառակ դեպքում Մոսկվային էլ ձեռնտու չէ։
«Մյուս դեպքերում դա ձեռնտու է նրանց, ովքեր փորձում են իրականացնել թուրանյան նախագիծը եւ միեւնույն ժամանակ լուրջ խնդիրներ ստեղծել Իրանի, Ռուսաստանի եւ Չինաստանի, այսինքն՝ Արեւմուտքի հակառակորդների համար»,- հավելեց նա։