Գերմանիայի կանցլեր Օլաֆ Շոլցը պատրաստվում է կրկին առաջադրել իր թեկնածությունը կառավարության ղեկավարի պաշտոնում Բունդեսթագի հաջորդ ընտրություններում, որոնք պետք է անցկացվեն 2025 թվականին:
«Իհարկե, ես կառաջադրեմ իմ թեկնածությունը»,-ասել է Շոլցը Funke թերթին տված հարցազրույցում։
Շոլցը ներկայացնում է Գերմանիայի սոցիալ-դեմոկրատական կուսակցությունը, որն անցյալ տարի հաղթել էր խորհրդարանական ընտրություններում։ Նա կոալիցիա է կազմել «Կանաչների» եւ «Ազատ դեմոկրատական» կուսակցության հետ։
Insa սոցիոլոգիական ընկերության անցկացրած հարցումների համաձայն՝ երկրի բնակիչների կեսից ավելին կարծում է, որ Շոլցը չի կատարում իր պարտականությունները։