Ռուսաստանը դիտարկում է նավթի արդյունահանման կրճատումը՝ որպես արեւմտյան երկրների՝ գների վերին շեմ սահմանելու որոշմանը պատասխան միջոցներից մեկը։ Այս մասին ուրբաթ օրը լրագրողներին հայտնել է Ռուսաստանի Դաշնության նախագահ Վլադիմիր Պուտինը՝ Բիշքեկ կատարած այցից հետո, փոխանցում է ՏԱՍՍ լրատվական գործակալությունը։
«Ինչ վերաբերում է մեր արձագանքին, ես արդեն ասել եմ. մենք պարզապես նավթ չենք վաճառի այն երկրներին, որոնք նման որոշումներ են կայացնում։ Կմտածենք, հիմա չեմ ասում, որ սա որոշում է, անհրաժեշտության դեպքում կմտածենք արտադրությունը կրճատելու հնարավորության մասին։ Մենք համաձայնագիր ունենք OPEC+-ի հետ՝ հայտնի արտադրական թիրախի վերաբերյալ։ Եթե պահանջվի, դա լրացուցիչ կքննարկենք»,- ասել է Պուտինը:
Նրա խոսքով, Ռուսաստանն այժմ քննարկում է արձագանքման տարբերակները, իսկ պատասխան տարբերակը շուտով կամրագրվի նախագահի հրամանագրով։
«Մենք մտածում ենք այս մասին։ Լուծման դեռեւս չենք եկել։ Հստակ քայլերը կնշվեն Ռուսաստանի նախագահի հրամանագրով, որը կհրապարակվի մոտ օրերս»,- ասել է Պուտինը։