Իսրայելը կպայքարի Լիբանանի եւ Սիրիայի սահմաններին ռազմակայաններ տեղակայելու Իրանի ցանկացած փորձի դեմ, ասել է վարչապետ Բենիամին Նեթանյահուն պաշտպանության նախարար Յոավ Գալանի հետ հյուսիս կատարած ուղեւորության ժամանակ։
«Գլխավոր թշնամին, որին մենք բախվում ենք, Իրանի ահաբեկչական վարչակարգն է եւ նրա ամրացումը Սիրիայում եւ Լիբանանում... Մենք լի ենք վճռականությամբ՝ պայքարելու Իրանի միջուկային զինանոց ստեղծելու դեմ... եւ մեր հյուսիսային ռազմական սահմանին Սիրիայի հետ բազա ստեղծելու Իրանի ցանկացած փորձի։ Եվ մենք հիշեցնում ենք նրանց, ում պետք է, այս հարցում մեր կարմիր գծերի մասին»,- ասել է Նեթանյահուն։
Ավելի վաղ Հասարակության հետ կապերի ամերիկա-իսրայելական կոմիտեի (AIPAC) հետ զրույցում Նեթանյահուն նորից հայտարարել էր միջուկային զինանոց ստեղծելու ձգտման վտանգավորության եւ Երուսաղեմի ու Վաշինգտոնի միջեւ իսլամական հանրապետության դեմ ընդհանուր դիրքորոշման մշակման կարեւորության մասին։
Նա Իրանի մասին խոսել է երդմնակալությունից հետո գրեթե ամեն օր՝ մոտ երկու շաբաթ, նշել է Jpost-ը։
Սպասվում է ԱՄՆ ազգային անվտանգության գծով խորհրդական Ջեյք Սալիվանի այցն Իսրայել՝ քննարկելու համար Իրանի հարցը, իսկ ռազմավարական հարցերի նախարար Ռոն Դերմերը Միացյալ Նահանգներում է, որտեղ հանդիպումներ է ունենում Բայդենի վարչակազմի ներկայացուցիչների հետ։