Լիտվայի պետական սահմանապահ ծառայությունը որոշել է ուկրաինացի գործընկերներին ուղարկել հակադրոնային սարքավորումներ, գեներատորներ եւ տաք հագուստ, գրում է Delfi լրատվական գործակալությունը՝ նշելով, որ սահմանապահները տեխնիկայով երեք միկրոավտոբուս են ուղարկել Ուկրաինա։
Ինչպես հայտնի է, որպես աջակցություն, ուկրաինացի սահմանապահները պետք է ստանան բենզինի հինգ գեներատոր, անօդաչու թռչող սարքերի շարժն արգելափակող հինգ համակարգ, Լիտվայի սահմանապահ ծառայության համազգեստի մաս կազմող ավելի քան 2000 տարբեր իրեր, ինչպես նաեւ 800-ից ավելի ոչ կոնտակտային ջերմաչափեր։
Իրերը հավաքվել են ըստ ուկրաինական կողմի ցանկության, այդ թվում՝ մի շարք հասարակական կազմակերպությունների աջակցությամբ։ Ինչպես եւ սպասվում էր, բեռը հունվարի 29-ի սահմաններում կլինի ուկրաինա-լեհական սահմանին։