Ռուսական պաշտպանական արդյունաբերությունը «գրեթե կրկնապատկել է» նախապատերազմական շրջանում զինամթերքի իր արտադրությունը, ասել է Էստոնիայի պաշտպանության բարձրաստիճան պաշտոնյան, ըստ Washington Examiner-ի:
«Ռուսաստանը դեռեւս կարող է շատ համր ռումբեր արտադրել», - այս շաբաթ Վաշինգտոնում լրագրողներին ասել է Էստոնիայի պաշտպանության նախարարի մշտական քարտուղար Կուստի Սալմը․ «Համր ռումբերը նաեւ 152 մմ հրետանին են, որն ամենաշատ վնասն է հասցնում մարտի դաշտում»:
Այս սթափեցնող միտքն ընդգծում է ավելի լայն նախազգուշացումներն այն մասին, որ Ռուսաստանը հսկայական ռեսուրսներ ունի Ուկրաինայում երկարատեւ պատերազմի դեմ պայքարելու համար՝ չնայած վերջին տարվա ընթացքում կրած մեծ կորուստներին: Եվ այդ գնահատականը կասկածներ է առաջացրել առ այն, որ արեւմտյան պաշտպանական ընկերությունները անհրաժեշտ քայլեր չեն ձեռնարկել Ուկրաինային համապատասխան մատակարարումներով ապահովելու համար՝ նախապատրաստվելով ապագա սպառնալիքներին:
«Մեր պաշարները սպառվում են։ Մենք դեռեւս իջնում ենք։ Սրան պետք է հակադարձել», - ասել է Սալմը:
Նա ընդունել է, որ «մոբիլիզացիան տվել է իր արդյունքները, եւ գիծը կայունացել է», ինչ էլ որ լինեն մոբիլիզացիոն գործընթացի թերությունները։ Եվ նա դժգոհություն է հայտնել Մոսկվային թերագնահատողներից։
«Ես եւ իմ գործընկերներից շատերը հենց սկզբից զայրացած էինք մոբիլիզացիոն ջանքերի վերաբերյալ ծաղրից», - ասել է Սալմը․ «Եթե դուք մի ազգ եք, որը կարող է մի քանի շաբաթվա ընթացքում 300 հազար մարդ մոբիլիզացնել փողոցներից... Չեմ կարծում, որ արեւմտյան որեւէ երկիր կարող է դա զրոյից հանել... Քանակի մեջ ինքնին որակի տարր կա»:
Նա հավելել է, որ դժվար է կանխատեսել, այդ պոտենցիալ ռեզերվների ազդեցությունը ռազմի դաշտում։ ՆԱՏՕ-ի դաշնակիցները ընդունում են, որ ռուս պաշտոնյաները հեռատես են եղել առնվազն որոշ ոլորտներում, այդ թվում՝ մոբիլիզացիայի:
«Բոլոր մոբիլիզացված զինվորներն ունեն նոր թվային համազգեստ՝ բոլորը», - ասել է Էստոնիայի պաշտպանության նախարարության ներկայացուցիչը․ «Սա նշանակում է, որ նրանց զինվորականները պատրաստ էին այս թվերին։ Մոբիլիզացված զինվորները Երկրորդ համաշխարհային պատերազմի համազգեստով չեն ներկայացել։ Սա նշանակում է, որ նրանք պատրաստվել են։ Նրանք գիտեն, թե ինչ են անում»:
«Դաշնակիցները սկսում են հասկանալ, որ պատերազմն ավելի երկար է լինելու եւ չափազանց թանկ պատերազմ է լինելու»,- ասել է Սալմը․ «Եվ այս ռազմավարության համար ձեզ անհրաժեշտ է վերջնական նպատակ: ...Մեր չլինելու պատճառը, կարծում եմ, ինքնին Եվրոպայում շատ զինամթերքի պաշարների սպառվելու գինն է»:
Կուրսի ուղղումը կպահանջի քաղաքական կամք՝ ներդրումներ կատարելու համար, որոնք կգերազանցեն ընթացիկ ծախսերը ԱՄՆ-ում եւ Եվրոպայում․ «Գինը, ինչպես գիտենք, բարձր կլինի։ Հավանաբար շատ ավելի բարձր, քան Կոնգրեսի կողմից առաջադրված օրինագծերը, եւ միանշանակ շատ ավելի բարձր, քան եվրոպական դաշնակիցների կողմից առաջադրված օրինագծերը»: