Բացի Լեռնային Ղարաբաղի ամբողջական ապաշրջափակումից, ոչինչ թեթեւացում չի բերի այս դաժան եւ անհարկի շրջափակման զոհերին։ Այս մասին Միջազգային դատարանում հայտարարել է Հայաստանի հայցը ներկայացնող փաստաբան Կոնստանտինոս Սալոնիդիսը։
Դեկտեմբերի սկզբից Ադրբեջանի շրջափակման հետեւանքով հարյուրավոր մարդիկ բախտի քմահաճույքին են մնացել, իսկ գազի, սննդի եւ ինտերնետ-կապի մատակարարումները կայուն չեն եղել։
«Բացի Լեռնային Ղարաբաղի ամբողջական ապաշրջափակումից, ոչինչ թեթեւացում չի բերի այս դաժան եւ անհարկի շրջափակման զոհերին»,- ասել է նա:
Կոնստանտինոս Սալոնիդիսը հավելել է, որ «Հայաստանը միայնակ չէ այս եզրակացության մեջ։ Այս եզրակացությունը կիսում է ողջ միջազգային հանրությունը»։
Նրա խոսքով, «իրավիճակի առաջանցիկ վատթարացումն ակնհայտ է։ Կոլեկտիվ տրավմա արդեն հասցվել է Լեռնային Ղարաբաղի հայ բնակչությանը»։