Իսրայելի ոստիկանությունը հայտնել է ամերիկացի զբոսաշրջիկի ձերբակալության մասին, որը կոտրել էր Քրիստոսի արձանը Երուսաղեմի Հին քաղաքում գտնվող եկեղեցիներից մեկում, հայտնում է AP-ն։
Միջադեպը տեղի է ունեցել Մտրակման հռոմեակաթոլիկ եկեղեցում՝ Վիա Դոլորոսա փողոցում, որով, ինչպես ենթադրվում է, Հիսուսը գնացել է դեպի իր դեպի խաչելություն:
Ոստիկանությունը հայտնել է, որ ձերբակալությունը կատարել են եկեղեցու պահակի օգնությամբ:
Ոստիկանությունից հայտնել են նաեւ, որ կատավում է տղամարդու հոգեկան առողջության զննում: Ամերիկյան դեսպանատունը հրաժարվել է մեկնաբանել կատարվածը։
Այս միջադեպը տեղի է ունեցել Երուսաղեմում եւ ամբողջ տարածաշրջանում լարվածության ֆոնին։
Անկարգությունները սկսվել են Իսրայելի նոր ծայրահեղ աջ կառավարության լիազորությունների ստանձնման առաջին շաբաթներին, որի ծայրահեղ ազգայնական կրոնական անդամներից ոմանք սադրիչ հակաարաբական հռետորաբանություն են օգտագործել:
Հին քաղաքի մոտ գտնվող Ուսպենսկի վանքի հայր Նիկոդիմուս Շնաբելը կատարվածը կապել է նոր կառավարության բնույթի հետ:
«Բարի գալուստ նոր, քրիստոնյաներին ատող Իսրայել, որը խրախուսվում եւ աջակցվում է ներկայիս կառավարության կողմից», գրել է նա Twitter-ում։
Հիշեցնենք, որ հունվարի վերջին արմատականները հարձակվել էին Երուսաղեմի հայոց պատրիարքարանի եւ հայերի վրա։