Չնայած լարվածությանը՝ ԵԱՏՄ-ի հետ փոխադարձ առեւտուրը շարունակում է դրական դինամիկա ցուցադրել։ Այս մասին ԵԱՏՄ-ի միջկառավարական խորհրդի նիստում ասել է վարչապետ Նիկոլ Փաշինյանը։
Նրա խոսքով՝ Հայաստանի եւ միության պետությունների միջեւ ապրանքաշրջանառությունը 2022թ. հունվար-նոյեմբերին 2021թ. նույն ժամանակամիջոցի համեմատ ավելացել է ավելի քան 90 տոկոսով եւ կազմել 4,6 մլրդ դոլար։
«Ընդ որում՝ ներմուծումն ըստ ապրանքն արտադրող երկրի ավելացել է ավելի քան 50 տոկոսով»,- նշել է նա։