Սպասվում է, որ երեքշաբթի օրը Ֆրանսիայի երկաթուղային եւ օդային հաղորդակցությունը կդադարեցվի՝ կենսաթոշակային բարեփոխումների դեմ համազգային գործադուլի պատճառով, հայտնում է Reuters լրատվական գործակալությունը՝ վկայակոչելով երկաթուղային եւ քաղաքացիական ավիացիայի պաշտոնյաներին:

Երկաթուղային օպերատոր SNCF-ն ասել է, որ ներքին գծերով կգործի իր սովորական արագընթաց երկաթուղային ծառայության միայն կեսը:

Իր հերթին, Քաղաքացիական ավիացիայի վարչությունը հայտնել է, որ օդանավակայաններում ուշացումներ եւ խափանումներ կարող են լինել, ինչի համար ավիաընկերությունները խնդրել են 20%-ով կրճատել թռիչքները Փարիզի Օրլի օդանավակայանից։

Հունվարին երկրի կառավարությունը հրապարակել է կենսաթոշակային տարիքը երկու տարով բարձրացնելու ծրագիրը՝ այն հասցնելով մինչեւ 64 տարեկան:

Երեքշաբթի՝ հունվարի 31-ին, գործադուլի վերջին օրվա ընթացքում ցույցերին մասնակցել է ավելի քան 1,2 միլիոն մարդ, ինչը մի փոքր ավել է, քան հունվարի 19-ին կայացած առաջին համազգային ցույցի մասնակիցների թիվը։

Ֆրանսիայի վարչապետ Էլիզաբեթ Բորնը կիրակի առաջարկել է մի փոքր մեղմել կառավարության ծրագրերը՝ որոշ մարդկանց, ովքեր սկսել են աշխատել մինչեւ 22 տարեկանը, թույլ տալով վաղաժամ թոշակի անցնել՝ հուսալով պառլամենտում ստանալ պահպանողականների աջակցությունը: