ՅՈւՆԵՍԿՕ-ի Համաշխարհային ժառանգության օբյեկտը՝ Հալեպի ամրոցը, վնասվել է երկրաշարժից, «ՌԻԱ Նովոստի»-ին ասել է Սիրիայի թանգարանների եւ տեսարժան վայրերի վարչության գլխավոր տնօրեն Համամ Սաադը։
«Մենք տեղեկություններ ենք ստացել Հալեպի ամրոցի ճեղքերի մասին եւ մասնագետների խումբ ենք ուղարկել՝ տեղի զննման եւ վնասը գնահատելու համար»,- ասել է Սաադը։
7,4 մագնիտուդով երկրաշարժ է տեղի ունեցել Թուրքիայի Կահրամանմարաշ նահանգում, ժամը 04.17-ին, ավերածություններ են տեղի ունեցել մի շարք քաղաքներում։ Տեղեկացվել է նաեւ Սիրիայի մի քանի շրջաններում տեղի ունեցած ավերածությունների մասին, երկրաշարժը զգացվել է Լիբանանի մայրաքաղաք Բեյրութում։