Քանի որ մենք առողջապահական համապարփակ ապահովագրման համակարգ ենք ներդնում, որոշում ենք կայացրել, որ զինծառայողների առնվազն կրկնապատկվող աշխատավարձից որոշակի չափ, ըստ նախնական հաշվարկների՝ 20-25 հազար դրամ, կդեպոնացվի կամ ինչ-որ ձեւով կհատկացվի առողջապահական ապահովագրության համար: Այս մասին այսօր՝ փետրվարի 9-ին, կառավարության նիստում հայտարարեց ՀՀ վարչապետ Նիկոլ Փաշինյանը:
«Մենք մտածեցինք, որ ավելի լավ է վարվենք այդպես, այդ աշխատավարձը գործնականում մարդիկ ստացած չլինեն, որ չստացվի, որ մենք իրենց ձեռքից վերցնում ենք այդ աշխատավարձը՝ չնայած էլի իրենց համար: Ճիշտ է, մեր զինծառայողներն այսօր էլ օգտվում են պետպատվերից, բայց ուզում եմ ընդգծել, որ առողջապահության ապահովագրությունը փողի մասին չէ, այն առաջին հերթին որակի մասին է: Մենք համոզված ենք, որ այդ համակարգի ներդրմամբ մարդիկ շատ ավելի լավ որակի ծառայություններ ստանան»,-ասաց նա: