Հայաստանի իշխանությունները Ռուսաստանի հարցում կրակի հետ են խաղում, այս կապակցությամբ Մոսկվան հերթական անգամ զգուշացրեց Երեւանին՝ հայտարարելով հայկական կաթնամթերքի ներկրման խնդիրների մասին։ Այս մասին մարտի 30-ին լրագրողների հետ հանդիպմանն ասաց քաղաքական վերլուծաբան Արգիշտի Կիվիրյանը։
Նրա գնահատմամբ, Հայաստանի իշխանությունները խաղում են կարմիր գծի եզրին, բայց դեռ չեն հատել այն։
Նա պարզաբանեց, որ կանցնեն, եթե վավերացնեն Հռոմի ստատուտը։
«Հայաստանն իրեն ռիսկի է ենթարկում կրկնելու Առաջին Հանրապետության ճակատագիրը, որը չլսեց բոլշեւիկներին, որոնք ժամանակին կոչ էին անում Հայաստանին թողնել արեւմտյան թեւը եւ միանալ իրենց։ Հենց այդպես էլ Ռուսաստանն այժմ տարբեր խողովակներով զգուշացնում է Հայաստանին։ Սա հատկապես հաճախակի է դարձել վերջին մեկ տարում, այդ թվում՝ ՀԱՊԿ-ի, Արցախի, Հռոմի ստատուտի հարցում»,- ընդգծեց վերլուծաբանը։
Նրա կարծիքով՝ հայտարարությունը, թե Պուտինը Հայաստան ժամանելուն պես կկալանավորվի, Հայաստանի իշխող կուսակցության պատգամավոր Գագիկ Մելքոնյանն արել է Փաշինյանի ցուցումով, որը խաղում է Հայաստանի ճակատագրի եւ հայ ժողովրդի անվտանգության հետ։
«Նույն կերպ Հայաստանի գործող վարչախումբն իշխանության գալուց հետո իրեն պահեց Արցախի հարցում՝ համարելով, որ չի հատել կարմիր գծերը, ինչի հետ Ադրբեջանը համաձայն չէր»,- եզրափակեց Կիվիրյանը։