Թուրքիայում ընթացող շախմատի կանանց աշխարհի առաջնության 4-րդ տուրում Հայաստանի հավաքականը 0,5:3,5 հաշվով պարտվեց Հնդկաստանի թիմին: Էլինա Դանիելյանը պարտվեց աշխարհի չեմպիոնի մրցամարտի մասնակից Համպի Կոներուին: Պարտություն կրեցին նաեւ Լիլիթ Գալոյանն ու Նելլի Աղինյանը: Լիլիթ Մկրտչյանը պարտիան ավարտեց ոչ ոքի:
Հայաստանի հավաքականը չորս տուրերում հաղթել է միայն Հունաստանի թիմին, պարտվել է վրացիներին, չինացիներին եւ հնդիկներին: 5-րդ տուրում հայ շախմատիստուհիները կմրցեն Թուրքիայի թիմի հետ: