Ադրբեջանը չի թույլատրել ՆԱՏՕ-ի վաղ նախազգուշացման եւ վերահսկողության համակարգերով AWACS (Airborne Warning and Control System) հետախուզական ինքնաթիռներին թռչել երկրի օդային տարածքով:

Ավելի վաղ Դաշինքը խնդրանքով դիմել էր Վրաստանին եւ Ադրբեջանին` խնդրելով թույլատրել AWACS ինքնաթիռների թռիչքը Եվրոպայի կայանից Աֆղանստան:  Ադրբեջանական «ԱՊԱ» գործակալության տվյալներով` Վրաստանը պաշտոնապես համաձայնել է, Ադրբեջանը` ոչ:

«Ադրբեջանը թույլատրել է երկրի օդային տարածքն օգտագործել Աֆղանստան բեռներ տեղափոխող ինքնաթիռներին, բայց քանի որ AWACS ինքնաթիռները ռազմահետախուզական են, նման թույլտվությունն անհնար է», - հաղորդել է գործակալությունը: