Հանուն ընդհանուր հաղթանակի Րաֆֆի Հովհաննիսյանը պատրաստ է ընտրել համամասնական ցուցակի ոչ թե առաջին, այլ 21-րդ տեղը: Այս մասին, այսօր` մարտի 26-ին, լրագրողների հետ հանդիպման ժամանակ հայտարարել է «Ժառանգություն» կուսակցության առաջնորդ Րաֆֆի Հովհաննիսյանը, ով գլխավորում է «Ժառանգություն» եւ «Ազատ դեմոկրատներ» կուսակցությունների միասնական համամասնական ցուցակը:
«Կարեւորը, որ մենք հանդես գանք որպես մեկ ուժ, որը ասելիք կունենա ընտրողներին: Այդ պատճառով էլ ցուցակում առաջին տեղն ինձ համար ինքնին կարեւոր չէ, այլ այն որպես հաղթանակի հասնելու միջոց է, այնպես, ինչպես եւ նախկին ընտրություններին:
Կարծում եմ, որ մեզ կհաջողվի կրկնել նախորդ հաջողությունը եւ հաղթանակով մտնել խորհրդարան», - ասել է Հովհաննիսյանը:
Ըստ նրա` այս դեպքում կարեւոր է ոչ թե այս կամ այն անվամբ ներկայանալը, լինի դա «Ժառանգությունը» կամ «Ազատ դեմոկրատները», այլ գաղափարները, որոնք նրանք պատրաստվում են ներկայացնել ընտրողներին: