Կապանի բժշկական կենտրոնից երեկ` մարտի 25-ի երեկոյան, Կապանի քաղաքապետ Արթուր Աթայանը սրտամկանի սուր ինֆարկտով բուժմեքենայով տեղափոխվել է Երեւան` «Էրեբունի» բժշկական կենտրոն: Այս մասին NEWS.am-ին հայտնեցին «Էրեբունի» բ/կ-ից:

Նրանց փոխանցմամբ` քաղաքապետի սիրտը ստենտավորել են, մեկ ստենտ են տեղադրել, այժմ վիճակը կայուն է, կյանքին վտանգ չի սպառնում: Դեռ պարզ չէ, թե որքան ժամանակ քաղաքապետը կմնա Երեւանում: