ՀՅԴ-ի առաջին նախընտրական հանրահավաքը տեղի կունենա ապրիլի 10-ին Երեւանի Ազատության հրապարակում: Այս մասին NEWS.am-ի թղթակցին ասաց ՀՅԴ Գերագույն մարմնի անդամ Սպարտակ Սեյրանյանը` ընդգծելով, որ հանրահավաքի սկիզբը նախատեսված է ժամը 19:00-ին:
Ինչ վերաբերում է երկրորդ հանրահավաքին, Սեյրանյանի խոսքով, «այն կանցկացվի Հայաստանի մարզերում»: Զրուցակիցը դժվարացավ կոնկրետ ժամկետ նշել:
Սպարտակ Սեյրանյանն անտրամաբանական համարեց հարցը, թե որքան մասնակից է ակնկալում ՀՅԴ-ն իրենց հանրահավաքին: Նա նաեւ զարմանք հայտնեց NEWS.am-ի թղթակցի` հանրահավաքի առանձին կարգախոսի մասին հարցի առնչությամբ:
«Կուսակցությունն ունի կարգախոս: Որտե՞ղ եք լսել, որ հանրահավաքը եւս կարգախոս ունենա»,-ասաց նա:
Նշենք, որ ՀՅԴ-ն հանրահավաքի անցկացման մասին համապատասխան հայտն արդեն ներկայացրել է Երեւանի քաղաքապետարանին: