Քաթարի «Ալ-Ջազիրա» հեռուստաալիքը չի ցուցադրի «թուլուզյան հրաձիգի»` Մոհամեդ Մերայի գործած սպանությունների մասին պատմող տեսագրությունը: Որոշումը հրապարակվել է հեռուստաալիքի կայքում: Տեղեկության մեջ նշվում է, որ տվյալ ձայնագրությունը չի համապատասխանում էթիկայի պահանջներին:
Ավելի վաղ Ֆրանսիայի նախագահ Նիկոլա Սարկոզին կտրականապես պահանջել է երկրում գործող հեռուստաալիքներին չցուցադրել սպանությունների տեսագրությունը, հաղորդում է «ՌԻԱ Նովոստին»:
Հիշեցնենք, որ «Ալ Ջազիրա» քաթարական հեռուստաալիք փարիզյան գրասենյակը «թուլուզյան հրաձիգի» կողմից ստացել էր հիշողության քարտով ծրար, որը պարունակում է տեսանյութեր: Նախօրեին այն փոխանցվել էր քրեական հետախուզության աշխատակիցներին, որոնք նույնականացրել են ձայնագրությունը: