Թուրքիայի վարչապետ Ռեջեփ Թայիփ Էրդողանն, այսօր` մարտի 28-ին, ժամանել է Իրան` այդ երկրի ղեկավարության հետ բանակցելու, հաղորդում է «Ազատություն» ռադիոկայանը:
Էրդողանը կհանդիպի Իրանի նախագահ Մահմուդ Ահմադինեժադի եւ խորհրդարանի նախագահ Ալի Լարիջանիի հետ:
Սպասվում է, որ ուշադրության կենտրոնում կլինի Սիրիայում ստեղծված իրավիճակը, որտեղ արյունալի բախումները շարունակվում են: Թուրք վարչապետի խոսքով, Սիրիայից Թուրքիա են ժամանել արդեն 17 հազար փախստականներ:
Թուրքիան խստորեն դատապարտում է Սիրիայի նախագահ Բաշար Ասադի ռեժիմը` քաղաքական հակառակորդների նկատմամբ բռնություններ կիրառելու համար: Իրանը, հակառակը, սիրիական իշխանությունների հին դաշնակիցն է: