Ավստրիական Միթերլաբիլ փոքր քաղաքի 56-ամյա բնակիչը ավտոմատ սղոցով սղոցել է ոտքը` անաշխատունակ ճանաչվելու նպատակով:
Նա կոճից մի փոքր վերեւ գտնվող հատվածից կտրել է ոտքը, կտրված վերջույթը նետել ջեռոցը, իսկ այնուհետեւ «շտապօգնություն» է կանչել: Բժիշկները նրան գիտակից վիճակում են գտել, սակայն տղամարդը շատ արյուն էր կորցրել: Ոտքի կտրված հատվածը հանել են ջեռոցից եւ իրենց հետ տարել հիվանդանոց, սակայն այն կարելու համար անպետք էր` խոր այրվածքների պատճառով, հայտնում է «Օբոզրեվատելը»:
Ինչպես նշում են տեղական լրատվամիջոցները, գործազուրկը նման ահավոր քայլի է դիմել աշխատանքային տեսչության բժշկական հանձնաժողովին ներկայանալուց մի քանի ժամ առաջ: Հանձնաժողովում պետք է քննարկվեր նրա աշխատունակության հարցը: Այժմ տուժածը գտնվում է հիվանդանոցում, նրա վիճակը կայուն է: