Արա Ասլանյանն ընտրվել է Լա Քանյադա Ֆլինթրիջի (Լոս Անջելոսի շրջան, Քալիֆորնիա) Համայնքային կենտրոնի նախագահ: Այս մասին գրում է «Asbarez»-ը: Ասլանյանը` տեղեկատվական տեխնոլոգիաների «Inverselogic» ընկերության նախագահը, Լա Քանյադայի դպրոցի շրջանավարտ է:
Երբ նրան 2009թ. մարտին առաջարկվել է ընդգրկվել խորհրդի կազմում, որոշումը բնական է եղել: Նա իր երկրորդ ժամկետն է սկսել խորհրդում:
«Ես մեծացել եմ այս համայնքում, այդ պատճառով ինձ համար շատ կարեւոր էր մասնակցությունը», – ասել է Արա Ասլանյանը: Մի քանի ոչ առեւտրային կազմակերպություններում աշխատելը Ասլանյանի համար մեծ փորձ է կենտրոնի նախագահի իր պարտականությունները կատարելիս:
Ասլանյանի նպատակը որպես նախագահ կլինի համայնքային կենտրոնի բարգավաճումը, որպեսզի այն շարունակի մնալ Լա Քանյադայի բնակչության եւ երիտասարդների ժամանցի վայրը: