Հայաստանցի Գագիկ Աբրահամյանն ու ադրբեջանցի Արթուր Աղաջանը, 4 հոգանոց հանցավոր խմբի կազմում, Մոսկվայում փորձել են թալանել «Ոսկե վարդ» ոսկերչական խանութը:
Ինչպես հաղորդում է Vesti.ru-ն, տեղի իրավապահները վաղուց են հետեւում հանցագործներին: Նրանց ձերբակալելու գործողությունը տեղի է ունեցել այն պահին, երբ չարագործները ոսկերչական խանութից դուրս էին բերում պայուսակները:
Ավազակները եղել են կանացի կեղծամներով` ատրճանակները ձեռքներին: Նրանց ձերբակալելուց հետո պարզվել է, որ 4-ից երկուսը ոստիկանության նախկին աշխատակիցներ են: Նրանցից մեկը` Վլադաս Սամոխինասը, արմատներով բալթյան երկրներից է, մյուսը` նրա նախկին ենթական`Ռոման Լավիշչեւը:
Ձերբակալվածների մոտից առգրավվել է գազային ատրճանակ, հրազեն` իր փամփուշտներով, կապի միջոցներ, ինչպես նաեւ ոսկյա զարդերով լի4 պայուսակ:
Փաստի առթիվ քրեական գործ է հարուցվել: