Վենեսուելայի առաջնորդ Ուգո Չավեսը Կուբայից վերադարձել է հայրենիք, որտեղ ճառագայթային թերապիայի կուրս է անցել չարորակ ուռուցքի հեռացման վիրահատությունից հետո: Այդ մասին հաղորդել է վենեսուելական պետական հեռուստաընկերությունը:
Մարտի 28-ի ուշ երեկոյան Չավեսը ժամանել է Միրաֆլորես նախագահական պալատ:
«Ահա կրկին տանն եմ, թեեւ դրանից առաջ եւս տանն էի` մեր մեծ հայրենիք Կուբայում», -ասել է նա, հաղորդում է «ՌԻԱ Նովոստին»:
Չավեսը Հավանա էր մեկնել մի քանի օր առաջ ճառագայթման կուրս անցնելու համար: Փետրվարի վերջին Կուբայում հեռացրել էին Չավեսի չարորակ ուռուցքը: Վիրահատությունից հետո երեք շաբաթ Չավեսը վերականգնողական կուրս էր անցել Հավանայում, իսկ այնուհետեւ վերադարձել հայրենիք: