Առաջիկա նախընտրական գործընթացներում ներգրավված ոչ հայեցողական պաշտոն զբաղեցնող անձինք, մասնավորապես, նախարարի տեղակալները, համաձայն գործող օրենսդրության, պետք է ս.թ. ապրիլի 1-ից արձակուրդ ձեւակերպեն: Այդ մասին այսօր` մարտի 29-ին կառավարության նիստում հայտարարել է Հհ վարչապետ Տիգրան Սարգսյանը:
Դա անհրաժեշտ է, որպեսզի այդ պաշտոնյաները չչարաշահեն իրենց պաշտոնական դիրքը եւ հնարավորությունները չօգտագործեն նախընտրական գործընթացներում: Եթե չեն ուզում արձակուրդ գնալ, ապա պետք է դուրս գան նախընտրական ցուցակներից, ճշտել է վարչապետը: