Սթիվ Ջոբսի` Apple ընկերության հիմնադրի դերը առաջարկել են դերասան Էշթոն Քաթչերին: Կենսագրական ֆիլմի ռեժիսորը կլինի Ջոշուա Մայքլ Սթեռնը, որն առաջին ֆիլմը նկարահանել է բոլորովին վերջերս` 2008 թվականին:
«Ջոբս» ֆիլմը հոլիվուդյան հայտնի ստուդիաներից անկախ նախագիծ կլինի: Նկարահանումները պետք է սկսվեն արդեն մայիսին, երբ Քաթչերը ընդմիջում կունենա «Երկուսուկես մարդ» սերիալում, որտեղ նա փոխարինում է Չառլի Շինին, հաղորդում է Lenta.ru-ն:
Միաժամանակ, Sony Pictures ընկերությունը, որը իրավունք է ստացել էկրանավորել Ուոլթեր Իզահաքսոնի «Սթիվ Ջոբս» գիրքը, եւս մտադիր է Apple-ի հիմնադրի մասին ֆիլմ նկարահանել: Հաղորդվել է, որ գլխավոր դերը կարող է մարմնավորել Ջորջ Քլունին: Նկարահանումները պետք է սկսվեն 2012թ.: