Ոստիկանության Նոյեմբերյանի բաժնի ծառայողները մարտի 31-ին, ժամը 08.50-ին, Բագրատաշենի մաքսատան հարակից տարածքից բերման են ենթարկել 47-ամյա Հրաչ Աջամյանին, որը 2011 թ. նոյեմբերի 17-ից ՌԴ Մոսկվա քաղաքի իրավապահների կողմից հետախուզվում էր խարդախության մեղադրանքով:
Ոստիկանության լրատվական վարչությունից հայտնում են, որ նույն օրը, ժամը 09.20-ին, ոստիկանության ծառայողները Երեւանի Վ. Վաղարշյան փողոցի 19/1 շենքից բերման են ենթարկել 26-ամյա Արման Գաբոյանին, որը մարտի 30-ից հետախուզվում էր խուլիգանության մեղադրանքով:
Իսկ ժամը 10-ին, ոստիկանության ծառայողները Երեւանի Կիեւյան փողոցի 7 շենքից բերման են ենթարկել 26-ամյա Միքայել Գալոյանին, որը մարտի 30-ից հետախուզվում էր խուլիգանության մեղադրանքով: