«Հայփոստ»-ը մշտապես անդրադարձել է պետական եւ միջազգային կարեւորագույն հոբելյաններին եւ տարելիցներին` շրջանառության մեջ դնելով նամականիշեր, գեղաթերթիկներ եւ բացիկներ: Այս շարքն այսուհետ կլրացնեն նամականիշով ծրարները:
Այսօր` ապրիլի 2-ին, առաջին անգամ մարվել է եւ «Հայփոստ»-ի կողմից շրջանառության մեջ դրվել նոր փոստային պրոդուկտ` նամականիշով ծրար` «Հայաստանի Հանրապետության եւ Ռուսաստանի Դաշնության միջեւ դիվանագիտական հարաբերությունների հաստատման 20-ամյակը» թեմայով:
«Հայփոստ» ընկերության մամուլի ծառայությունից հայտնում են, որ նամականիշի մարման արարողությունն իրականացրել են Ռուսաստանի Դաշնության արտգործնախարար Սերգեյ Լավրովը եւ Հայաստանի Հանրապետության արտագործնախարար Էդվարդ Նալբանդյանը:
Նամականիշով ծրարի տեխնիկական տվյալները.
Թողարկման օրը` 02 ապրիլի, 2012թ.
Դիզայնը` Հարություն Սամուելյան
Տպարանը` Մայր Աթոռ Սուրբ Էջմիածնի տպարան
Տպագրությունը` օֆսեթ
Գույնը` բազմագույն
Անվանագինը` 350 դրամ
Նամականիշի չափսը` 40 x 24 մմ
Ծրարի չափսը՝ 115 x 162 մմ
Տպաքանակը` 10 000: