«Սիրիայի բարեկամներ» խմբի հանդիպումները խաթարում են բռնության դադարեցման ուղղությամբ գործադրվող ջանքերը: Այդ մասին հայտարարել է Ռուսաստանի արտաքին գործերի նախարար Սերգեյ Լավրովը` հանդես գալով Մոսկվայի պետական համալսարանի Բաքվի մասնաճյուղի ուսանողների առջեւ:
Նա պարզաբանել է, որ սիրիական ընդդիմությանը «հրահրելը» խոչընդոտում է հակամարտության կարգավորմանը:
«Սիրիայում ցանկանում են լուծել հակամարտությունը միայն կառավարության հետ` հրահրելով ընդդիմությանը: Այդպես կարգավորում չի լինում»,-հայտարարել է նա: Նախարարը նշել է, որ «եթե նույնիսկ սիրիական ընդդիմությունը սրի ատամները, չի կարող հաղթել կառավարության բանակին»,-ասել է Սերգեյ Լավրովը, հաղորդում է «Գազետա.ռու»-ն: