«Հայկական ժամանակ» թերթը գրում է. «Եվրասիական տնտեսական հանձնաժողովը Թուրքիայից պաշտոնական դիմում առայժմ չի ստացել: ԵԱՏՄ-ն պատրաստ է 3-րդ երկրների հետ փոխշահավետ համագործակցության եւ կարող է առաջարկել փոխգործակցության տարբեր ձեւաչափեր»:
Այսպիսի պատասխան է տվել Եվրասիական տնտեսական հանձնաժողովի մամուլի ծառայության ներկայացուցիչ Յուլյա Նազարովան «Հայկական ժամանակի» հարցմանը: Հանձնաժողովից մենք հետաքրքրվել էինք, թե քննարկվե՞լ է արդյոք Թուրքիայի հետ համաձայնագիր կնքելու հարցը կամ այժմ քննարկումներ ընթանո՞ւմ են այդ հարցով:
Մեր հարցման մեջ նաեւ հիշեցրել էինք Թուրքիայի էկոնոմիկայի նախարար Նիհայթ Զեյբեչկի այն հայտարարությունը, որ Թուրքիան առաջարկ է ստացել, որ բանակցություններ սկսի ԵԱՏՄ-ի հետ մաքսային համաձայնագրի ստորագրման մասին եւ հարցրել էինք, թե ի՞նչ ձեւաչափով է առաջարկ արվել Թուրքիային: Այս հարցին Եվրասիական տնտեսական հանձնաժողովի մամուլի ծառայությունը չի պատասխանել»:
Առավել մանրամասն՝ թերթի այսօրվա համարում