Թերթը գրում է, որ ի հայտ են եկել նոր մանրամասներ թուրքական զորամասերից մեկում հայազգի զինվոր Սեւակ Շահին Բալըքչըի սպանության գործում:
«Հիշեցնենք, որ ըստ թուրքական լրատվամիջոցների` ապրիլի 24-ին 25-ամյա Շահինը մահացել է ծառայակից ընկերոջ հետ կատակելու ընթացքում հրազենից արձակված կրակոցից:
Պարզվել է, որ այդ օրը զինվորներին հանձնարարված էր զորամասի շուրջբոլորը փշալարեր անցկացնել: Սովորաբար այդ գործողությունից առաջ հրամանատարների հսկողությամբ զինծառայողները դատարկում են զենքերի պահունակները: Սակայն այդ օրը ոչ մի հրամանատար չի վերահսկել գործողությունները, եւ Սեւակին սպանած Քվանչ Աղաօղլուն չի դատարկել իր զենքի պահունակը: Վերջինս զինվորական դատարանի որոշմամբ ձերբակալվել է»,- գրում է «Հայոց աշխարհը»: