Reviews
Լրահոս
Reviews
Ուրբաթ
Մարտ 29
Տեսնել լրահոսը

«168 ժամ» թերթը գրում է. «Սա դիտարկել՝ որպես հայամետ քայլ, սխալ կլինի, քանի որ հայամետ դիրքորոշում այս հայտարարությունում արտահայտված չէ, դրան, միեւնույն է, դեմ կլինեին Բելառուսն ու Ղազախստանը: Սակայն պետք է նաեւ հաշվի առնել, որ ՀԱՊԿ նախագահությունը Հայաստանինն է, եւ Հայաստանը կարողանում է օգտագործել առիթն իր համար նպատակահարմար հայտարարությունների հաստատում կորզելու համար:

ՀԱՊԿ-ն հայտարարությամբ հաստատել է իր դիրքորոշումը, որ չի կարող միջամտել եւ կարող է միայն աջակցել այն հարթակին, որը կոչված է զբաղվելու այս խնդրի կարգավորմամբ: Սա հայամետ հայտարարություն չէ, սակայն երեք սկզբունքները, որոնց մասին խոսք է գնում, հայկական դիվանագիտական ձեւակերպումներ են, դրանք մենք շատ ենք լսել»,- «168 ժամի» հետ զրույցում այս մասին է ասել ռուս ռազմական փորձսագետ Պավել Ֆելգենգաուերը՝անդրադառնալով նոյեմբերի 30-ին ԼՂ հակամարտության կարգավորման վերաբերյալ ՀԱՊԿ-ի տարածած հայտարարությանը:

Նա նշել է, որ նման հայտարարության նախագիծ Հայաստանը չէր կարող անցկացնել առանց Ռուսաստանի աջակցության:

«Ռուսաստանն աջակցել է նման հայտարարություն կազմելուն, քանի որ ապրիլյան պատերազմից հետո քննադատության թիրախ դարձան թե՛ ՀԱՊԿ-ն, եւ թե՛ Ռուսաստանը, որոնք հերթականությամբ Ռուսաստանը փորձում է չեզոքացնել: Սա նաեւ Հայաստանի հասարակության համար արված քայլ կարելի է համարել, այդ թվում՝ այն բոլոր միջոցառումները, որոնք Ռուսաստանը նախաձեռնեց ապրիլյան պատերազմից հետո՝ վերազինելով Հայաստանին շատ ավելի հզոր սպառազինությամբ, ձեւավորելով հայ-ռուսական միացյալ զորախումբ, ՀՕՊ»,- շեշտել է նա»:

Առավել մանրամասն՝ թերթի այսօրվա համարում

Տպել
Ամենաշատ